producents
Famiglia Isidor e Monica Sepp-Canclini
Pauraria Puntetta
la famiglia Isidor e Monica Sepp-Canclini spordschan da tuotta sorts- tanter oter bunischma charn da bouv giuven ch'els pon postar pro nus aint il shop - obain direct sülla pagina d'internet da la famiglia Sepp-Canclini.
Pro els daja eir amo durmir aint il strom, vacanzas sülla pauraria, Lamatrekking ed üna gronda abitaziun da vacanzas confortabla. Üna butia paurila con prodots regiunals complettescha lur sporta.
Rico e Reto Lamprecht
Pütschai Josom
Rico e Vreni sun a chasa sülla pauraria biologica Pütschai Josom sün 1521 m.s.m. Lur filg Reto e Carmen cun lur uffants Julia, Sofia, Niculin ed ils schumblins Nino e Jon stan sü pü ot sülla pauraria biologica sü Craistas sün 1875 m.s.m. Insembel han els üna pauraria cun vachas mamma. Surplü han els eir ün pa muvel giuven, chavras, cunichs e giallinas.
La chasa chi tocca pro es tenor chüra da monuments fin a 900 ons veglia ed es gnida renovada dal 2009/10 trais la famiglia Lamprecht. Il charakter vegl e la orma da la chasa paurila sun però adüna gnids mantegnats. Daspö 2010 sta l'abitacul istoric a disposiziun a lur giasts per vacanzas sülla pauraria.
la devisa da la famiglia es: Gnir sco giast ed ir sco ami.
Lorenz Tschenett
Il chef da metzia da la Bacharia Val Müstair
Lorenz e Tatjana Tschenett mainan insembel üna pauraria cun vachas mamma. Lorenz es daspera eir amo fittadin da la bacharia Val Müstair. La charn da las agnas bes-chas vendan els direct e accumpognan cun quai il process inter da la producziun da l'erba fin pro'l salsiz.
contactar e dar sü postaziuns pudais suot: lorenz.tatjanatschenett@gmx.ch
Jachen Armon Pitsch
Pauraria Pitsch
A Tschierv, sün 1700 m.ü.M, es il bain pauril biologic cun vachas mamma da la famiglia Pitsch.
Pel paur, Jachen Armon Pitsch, metta grond'importanza sülla chüra da la cuntrada e'l mantegnamaint da la biodiversità. Our da quist möd vegn pavlà a las vachas Angus be pavel dal agen manaschi.
Sül bain vegn prodot dasper charn eir verdüra biologica, mel e jerdi per Gran Alpin. Ils prodots vegnan vendüts direct davent dal bain.
Mail: pauraria.pitsch@gmail.com